Generation

Kal yug, man sabhi ke bhrasht hai, cintan par maya ki chaadar bhari,

vastavikta se sab dur hai, bhautik vastu sab ko pyari.

Koi satya me na rakhta aashtha, hai yahan sab ke dil bhaari, samjhane ko koi na milta, juthi sab dosti yaari.

Pardarshan mai lage hai, koi na haal batata hai, camera ke saamne aakar sach sara chup jata hai.

phone to maano aaj jaan se bhi pyara ho gaya hai, insaaniyat or samaj ka bhav kahi to ja kar so gaya hai.

choti choti baton se pareshaan, har koi roj aaj marta hai, kal kya hoga soch soch kar shan shan veh darta hai.

Generation hi kharab hai sab aaj ye kehte hai, bacche tane sunte hai, 100 gali vo sehte hai.

par kya aaj tak kisi ne shanti se, satya hume sikhaya he? , kya kabhi kisi ne prem se, dharm ka marg dikhaya hai?

kuch kehne se phele jara hamara haal bhi to jano, hamari baat ko sun kar, hamara dukh bhi to pehchaano.