Not following the crowd

Bhaut mushkil hai, akele kisi rah par chalna, tut kar judna, gir kar sambhalna.

sahara na dundh pana, aasra na milna, kanch ka vo tut jana, gulon ka na khilna .

pyar ka mil na pana, dost ka na ban'na, sondary ki us bheeni bheeni kushboo mai na san'na.

aashayen rakh na pana kisi se, kisi ka na hona, muh chupaaye, chupte chupte, dheere dheere rona.

na kisi se kuch keh pana, na kisi ko sun'na, zindagi ke parion tale akele hi rundhna.

Zindagi ke vasant mai tumhara hi na khilna, sawan ke aajane par bhi, sheetalta na milna.

hona hoga sthir tumhe ban'na hoga kathor, taki jeevan ki kathinayian tumhe na sake jhanjhod.

chalna hoga akele bin maange kisi ka sath, kisi se na umeed rakho, pakad lo khud ka hath.

Ab nayi rah thami hai to mushkilon se to ladna hoga, thakna hoga, girna hoga, gir kar phir uthna hoga.

Jo gir kar uthna jaante hai, vahi to mahaan kehlate hai, apne khun paseene se, itihaas swayam likh jate hai.